Kalaam 20

Kalaam 19

Kalaam 18

اَمراہ کٔرۍ تو بے نؠماذؠن
یِمَن وٲنجہِ گٔے یہ پَرتبو
کِرٛیٚیے ترٛاوَن کُفرَس مازَن
تِمن عذاب آسہِ کٲفرَن کھۄتو

Kalaam 17

پانہٕ میٛانے پوٚنِم ژٔندرو
مۄکھ زَن ڈیوٗنٛٹھمَے ژنٛدرٕوُنُی
بُجرٕ پَجہِ یٚیلہِ ڈلہٕ نَے ینٛدرو
اَدٕ بٲژن گژھک کھرٕوُنی

Kalaam 16

جاے چانے چھے گورٕبَل تے
توٚت سۭتۍ کانٛہہ نو وَسِی
تَتہِ پؠترُن چھُی پَنہٕ نِس پانس
واہ زُوو پایَس پیٚتو

Kalaam 15

نَصرؒ بابہٕ چھُی شمع زَن تارس
نَصرؒ بابہٕ زُو چھُی دماہ پؠنجہِ پوژھی
زُوس پَژھ زاہ کٔرۍ زِ نہٕ مکارَس
یارَس دِزیٚم اَن مَزارَس ووٚنُی

Kalaam 14

دارَس دوٚدُر ژام ژندٕ نہٕ نِس
سوارَس دُلدُل آم تھکانو
نارس کیاہ کَرٕ تَتہِ دوزخہٕ نِس
وَتھ رٲو ٲنِس ژؠن تہٕ میٛانہِ پانو

Kalaam 13

ہارَس نیٚندٕر پیٛیَم پامَتھ پوٚہ گوم
کارَس دۄہ آم نہٕ گٔر نز اَکھ
تیلہِ پیٛوم ژؠتس یٚیلہِ وۄتھُن کۄہ گوم
پَتَے آم یَم پوٗرۍ دوٚپ نم پَکھ

Kalaam 12

تَلہٕ چھُی زيس تہٕ پؠٹھہٕ چھُک نژان

وَنتہٕ مالہِ وۄندٕ کؠتھہٕ پژان چھُی

عذابِ قَبرس کونہٕ چھک کھوژان

ونتہٕ مالہِ اَنہٕ کِتھہٕروژان چھُی

 

Kalaam 11

یِمَن کیا کرکھ دیٛارَن
یم ہوروزن یٚیتی
نؠمازِ پُژِھ ہو مارن
پاپھ زیٖنِتھ کۭتی
نظرا کرتا انٛد مزارن
سٲری زِ ثَر موتٔی

Kalaam 10

لوٗبس تہٕ مُہس دیٛتُتھ رضا
کروٗلس پٮ۪ٹھ زچھُے وُدٕتہٕ ہاے
پانٛژھ وق نٮ۪ماز کٔرٕتھ قضا
تَوُک سزا دِیی خداے

Kalaam 09

نَفٕس چھُی ہَکھُر گنڈُن آلَس تَے
خوفٕچ رَز تَس شرٚاکٗ کوٗر ہاو
تیٛلی سَخَر کَرِی آلَس تَے
یُس کرگۄنگُل سُے کَرِ کراٛو

Kalaam 08

---

کَند ٮ۪و کوٚرتھ میٛونی میٛونی
کیٚنژھا دِتو تُہنزے وَتے
ژٕ نو کٲنسہِ ہُنٛد کانٛہہ نو چونُی
واہ زُ وو پایَس پٮ۪تو

Kalaam 07

---

کینٛژَن قَبر چھَے پوش زَن شیرے
کینٛژَن قَبر چھَے سیاہ چاہ
کیٚنٛہ گٔلۍ صاحِبو چانے ویرے
کیٚنٛہ کٔیہِ زیرے اکہِ گُمراہ

Kalaam 06

خبر ژے تھٔونے نہٕ روحس
تھۄکہٕ چانہِ آتھ پٲرۍ زٲنۍ
ناوِ تھَپھ کرتو نوٗحسؑ
نتہٕ سٔدرس تھاہ کتہِ چٲنۍ
دۄہٕ اکہِ لمہٕ لم لگہِ یتھ جانس
أندۍ أندۍ یار بٲۍ روزنم کٳتۍ
سٔمِتھ بٲۍ بٲۍ والنَم سَرانس
لٔمۍ لٔمۍ بارو دِنم کٳتۍ
کپراہ ولنم أدرِس پانَس
نُندۍ تہٕ ڈینٹھۍ لگنم پانس سٕتۍ
ترٲوِتھ ينم اند مٲدانس
سٔمِتھ میژ پؠٹھہٕ ژؠلنم کٳتۍ
ڈيٖنشتھ کل کووٕ ويٖر گٔے رٔہِتھ کٳتۍ

Kalaam 05

---

وعدٕہ کوٚرتھ تہٕ – کربا
تہِ کرباژٮ۪تس – پٚییی
اوٚت ژےٚ ژونُتھ خربا
یِہ سٲنژ مژٕے کۄنگ وار کھیٚیی
تتہِ کُس باداری تھربا
یٚیتہِ نٔنِس کرتل پیٚیی
مرنہٕ برٛو نٹٛھُے مربا
مٔرتھ مرتبہٕ ییٖی

Kalaam 04

خدا تعالااوس تہٕ آسی!
سُہ یٚیتہِ ٲرُت کٲنسہِ نہٕ
نکس دِنہار روٗزی آسی
تس ٲسۍ ژٮ۪تَس سُہ اَسہِ نہٕ
بنداپاپھ کران رٔسی
تس قبرِ سۭتۍ کوٗنژھ وَسہِ نہٕ

Kalaam 03

پوٚزدپان زَن نٹکھ
اپُز دپان لگی رس
محّمدؐ ترٲوِتھ ابلیٖس رٹکھ
خدٲے دیُتٛے تہٕ کھٹکھ کس

Kalaam 02

نَفسِی کڈُس أٹی أٹی

نَفسِی کوٚرس پشے مان

نَفٕس چھُی مَدہوس ہانکَل ژٹی

نَفٕس یمیۍ روٚٹ سُہ ووت لامکان

نُندٮ۪ن سۭتۍ خوے کٔرۍزے رٕتۍبنٛدٕ روے قٔبلَس کُنُے
رٕتٮ۪ن سۭتٮ۪ن ددۄہ دٮ۪ن بٔرززٮ۪ے
زَن دِتُتھ شاہ وُلگے کنٛز
بَدَن سۭتٮ۪ن خوٛے نو تٔھوزے
زَن اَژکھ تَمہٕ نٮ۪ن منٛز